af
un tou
in de stil
tipt se mii an
juun lesten sekunden
er iis-kolde kral
as dat unfoerstelbare
jachens wishait was
as juu juun toukumst an-gluup
uut ferfeirde ougenhoylen
in bleike, giftsugene truynen
as allens klip un klaar daar stuend
in ferrenkde leden er krikkel-krakkel
mang d'n himp-hamp up de kulen er boddens
de ougenblik twueschen begripen un niks
as dat schrikwiirsuemmen tou 'n truurwiis' woyrd'
tou 'n tranenlose klaag'
euver juun minschenwoyrd'
juun minschenglouv'
un juun minschendroym
er ferdarven
un euver al de leddigen woyrd'
tou juun gedenken

af
un to
in de still
tippt se mi an
jun lesten sekunnen
er ieskole krall
as dat unvörstellbare
jachens wißheit was
as ju jun tokummst angluup
ut verfeerde ogenhölen
in bleke, giftsugene trünen
as allens klipp un klaar daarstünn
in verrenkte leden ehr krickel-krackel
mank'n himp-hamp up de kulen ehr boddens
de ogenblick twüschen begriepen un nix
as dat schrickwiersümmen to'n truurwies wöör
to'n tranenlose klaag
över jun minschenwöörd
jun minschengloov
un jun minschendrööm
er verdarven
un över all de leddigen wöör
to jun gedenken